Chevrolet Kazakhstan компаниясы жауапкершіліктің жаһандық қағидаттарын және клиенттерге қамқорлық жасаудың жоғары стандарттарын сақтай отырып, бірқатар Chevrolet автомобильдеріндегі қауіпсіздік жүйелерінің элементтерін тексеру және жаңарту жөніндегі профилактикалық науқанның басталғаны туралы хабарлайды.  

Бағдарлама жоспарлы техникалық тексеру жүргізуге және жүргізушінің қауіпсіздік жастықшасының модулін (Takata компаниясы шығарған) тегін ауыстыруға бағытталған. Бұл науқан General Motors концернінің пайдаланудағы автомобильдердің сапасын бақылау жөніндегі жаһандық тәжірибесінің бөлігі болып табылады.

Қандай көліктер тексеріледі? 

Науқан келесі модельдердің автомобильдеріне қолданылады:

• Chevrolet Aveo (T300) 2012-2018 жж.
• Chevrolet Cruze 2010-2017 жж.
• Chevrolet Orlando 2011-2017 жж.
• Chevrolet Trax 2013-2017 жж.

Маңызды ескерту: Біз өткен жылдары Қазақстанда үшінші тарап компаниялары импорттаған және сатқан аталған модельдік желілердің автомобильдері туралы айтып отырмыз..

Тексерудің себебі: 

Компоненттердің ұзақ мерзімді мониторингі аясында жоғары ылғалдылық пен температураның өзгеруіне ұзақ уақыт әсер ету уақыт өте келе қауіпсіздік жастықшасының ашылу сәтінде дұрыс жұмыс істемеуіне әкелуі мүмкін екендігі анықталды. Жүргізушінің денсаулығы үшін кез келген тәуекелдерді толығымен жою және пассивті қауіпсіздік жүйелерінің мінсіз жұмысын қамтамасыз ету мақсатында өндіруші осы модульдерді жаңа үлгідегі компоненттерге алдын ала ауыстыру туралы шешім қабылдады.

Иелері не істеуі керек? 

Chevrolet Kazakhstan Aveo T300, Cruze, Orlando және Trax (2010-2018 ж. ж.) модельдерінің иелеріне олардың көлігінің осы бағдарламаға түсетінін тексеруді сұрайды.

Ол үшін сіздің қалаңыздағы Chevrolet ресми дилеріне хабарласыңыз немесе 7810 сенім телефонына хабарласыңыз. Мамандар сіздің көлігіңізді VIN (сәйкестендіру нөмірі) арқылы тексереді.

Осы науқан аясында иелеріне арналған барлық диагностикалық және жөндеу жұмыстары ресми қызмет көрсету орталықтарында мүлдем тегін жүргізіледі.

Сіздің жолдағы қауіпсіздігіңіз-біздің басты басымдығымыз.